冒前香格里拉酒店灘萬日本料理廚師之名而來,雜錦魚生便當味道不俗,厚切的魚生相當鮮味,只論食物質素,我是會再次光臨的。不過五呎差吋半的人就不要上四樓,全場都是高高的Bar椅子,保證吊腳,再加上六、七個CCTV對住你,就算不能運作你亦不會食得自然,最重要的是有一位男侍應不是在講電話,就是不斷用手弄頭,無間斷,希望各位盡情享用你們的頭油+頭皮午餐。

唔知係位置嘅問題，定係報紙登過荃灣廣場分店餸菜中發現曱甴腳嘅關係，綠楊坊那間真的靜了一點兒。其實它們的菜式味道不俗，如雲南汽鍋燉烏雞湯、甜酸棒棒雞和三色涼豆腐等都不妨一試，不過鹵水鴨舌水準就下降咗，唔知係唔係最近啲鴨減緊肥，連條脷都瘦到得返條骨。

先前食過牛魔王焗飯,啲牛肉又韌又乾身,近期食焗牛脷飯,牛脷真係好腍,就係得過腍字,冇嚟味道,汁還汁,飯還飯,每次我都唔想浪費食物,奈何......幸好還有杯凍奶茶保持到水準,唉!

牛坑腩值得一試!

炭燒奶茶和炭燒咖啡才是裕興的主打,味道香純,非常原始,辣味蛋治亦是推介之一.此大牌檔特色是冇外賣和唔招呼英文人.

下午茶自助餐,啲嘢食凍冰冰,德國豬手冇乜特別,最好味都係啲德國香腸.

由order到餐湯來到,一個鐘,等前菜,一個鐘,等主菜,一個鐘,等甜品,一個鐘,等飲品,一個鐘,咁就一日啦.

個個都話佢哋啲心太軟好好味,結果要等到佢哋搬咗先有機會一試.環境夠光猛,但枱與枱之間太少空間,餐包味道不俗,餐湯卻淡而無味,午餐主菜嘅炭燒羊排我order咗半生熟,最後有一塊生到食唔到,連切都有困難,終於到咗主角出場-心太軟,只可以說ok,60%嘅dark chocolate加上稍乾的朱古力外層,確實有丁點兒失望,可能受太多人吹捧所致,不過,芝士餅也可挽回一點分數,味香而不膩,值得推介,凍奶茶不談也罷,又係一般酒店飲到的-凍奶水.

好難可以食到唔好食嘅T骨排,這裡可以找到,基本上唔好食佢地啲排類物體,真係唔得,味道係茶餐廳咁嘅質數與價錢毫不相符,怪唔知得荃灣店仲係蝕緊錢.

昏暗的燈光加上嘈雜的人聲,猶如走進午夜的街市,蘋果(石頭)豬柳打死也不要吃,又乾又韌,除非你真的喜歡胃痛的感覺.

午餐、下午茶及晚餐都十分出色,甜品亦非常用心製造,價錢比中環平,味道亦比中環店要好.

冇舖位,冇宣傳,冇名人推介,但保証比甚麼自稱牛腩專家好食得多.

今時今日咁嘅服務態度,真係唔知仲可以去邊度揾到,全餐廳由一家老人院的老人家兼職度日,但卻可給全香港的飲食業一個榜樣,什麼是敬業樂業,我想很多人也忘記得一乾二淨.

新地址比起以往銅鑼灣廣場冇咁方便,但新裝修較高雅,午餐質數尚算保持水準,羊西冷是我的至愛,想在人多擠迫的灣仔區尋找一點寧靜,也不失為一處好地方.

好難食,很難食,唔知點解會有咁多人等位,可能响又一城只得一間迴轉壽司,又可能啲人嘅味蕾經已麻木晒...啦.

啲麵飽熱都唔熱下,好彩個maincouse都算中上,取回不少分數.坐在西港城門口位置,人們出入時,陣陣的二手煙令一切也不是味兒.